140x140

ÚRSLITIÐ AV LANDSSEYÐASÝNINGINI 2019 VERÐUR KUNNGJØRT 22.11.2019

Fríggjakvøldið 22.11.2019 kl. 19.00 verður alment tiltak á Búnaðarstovuni, har úrslitið av Landsseyðasýningini 2019 verður almannakunngjørt. Sýnsmenn hava verið um landið og sýnað seyðin, sum varð meldaður til Landsseyðasýningina. Teir hava verið í Norðoyggjum, Eysturoynni, Streymoynni, Sandoy og í Suðuroy.

Skráin fyri dagin verður hendan:

·         Vælkomuheilsan og felagssangurin “Nú hvítna tindar fjøllum á”.

·         Ari Johanneson vísir videoupptøkur av øllum teimum brundseyðum, sum hava verið meldaðir til landsseyðasýningina í ár.

·         Heini Mohr Hermansen, Føroya Tele, greiðir frá um GBS'arar á seyði.

·         Kaffisteðgur.

·         Ari Johanneson vísir videoupptøkur av upp í 8 av teimum bestu brundseyðunum í hvørjum flokki.

·         Eyjólfur Ingvi Bjarnason, Ráðgjafarmiðstøð landbúnaðarins, Ísland, greiðir frá um seyðasýningar í Íslandi. Eyjólfur hevur verið við sýnarunum kring landið, hann hevur sýnað luttakandi seyðirnar, soleiðis sum sýnað verður í Íslandi.

·         Úrslitini av Landsseyðasýningini 2019 verða kunngjørd, og landstýrismaðurin í landbúnaðarmálum, Helgi Abrahamsen, handar virðislønirnar. 

Tiltakið endar við, at Tjóðsangurin verður sungin.

Eftir sjálvt tiltakið eru fólk hjartaliga vælkomin at verða sitandi til eitt gott prát.

« Aftur

Búnaðarstovan · Frammi í Dal 166 · FO-410 Kollafjørður · Føroyar · Tel. (+298) 479 000 · Fax (+298) 479 020 · bst@bst.fo
EAN nr.: 5797100000522 · V-tal: 403369