140x140

Ærnar á Búnaðarstovuni skannaðar

Skanningin í ár vísti, at vit kunnu vænta okkum 26 tvílembir av teimum 180 ónum.

Vit vóru á fjalli í Heygshaga tann 19. februar 2014. Endamálið við hesum fjalli var at viga ærnar og at kanna, um tær eru kvidnar.

Ein samandráttur av skrásetingunum hesaferð er vístur í talvunum niðanfyri. Av 180 óm eru 172 kvidnar, harav 26 ganga við tveimum lombum. Av teimum geldu eru fimm gjólingar og tríggjar ær. Miðalvektin á ónum var:  


                        2014            2013

Hvilvt                43,3 kg         43,4 kg

Svartá              41,4 kg          46,9 kg
Miðjan              41,5 kg          43,3 kg
Sunnasta          40,7 kg          44,5 kg

 

Orsaka av váta veðrinum í vetur, var væntandi, at seyðurin var verri fyri í ár í mun til í fjør. Út frá vektunum sæst eisini, at seyðurin er verri fyri í ár enn síðsta ár. 

Í øðrum londum er vanligt at skanna ærnar. Endamálið er at fáa eitt gott grundarlag undir fóðringina, nú vit fara at geva ískoytisfóður. Tá er gott at vita, um ærnar eru kvidnar ella ikki, og um tær hava eitt ella tvey lomb, tí fóðurtørvurin til hesar tríggjar bólkarnar er so ymiskur.
Ætlanin er at fara á fjall aftur síðst í mars at geva heilivág, og tá verða ærnar aftur vigaðar.

 

Her niðanfyri er ein myndarøð frá skanningini. Úrslitið av skanningini sæst niðast á síðuni.

 


 

Úrslit av skanning tann 19. februar 2014 á Búnaðarstovuni
Gonga Tvílembur Einlembur Geldar Í alt
Sunnasta 14 32 3 49
Miðjan 6 45 1 52
Svartá 4 45 3 52
Hvilvt 2 24 1 27
Samlað 26 146 8 180

 

« Aftur

Búnaðarstovan · Frammi í Dal 166 · FO-410 Kollafjørður · Føroyar · Tel. (+298) 479 000 · Fax (+298) 479 020 · bst@bst.fo
EAN nr.: 5797100000522 · V-tal: 403369